Ширењето на коронавирусот е надвор од контрола, алармира СЗО
Објавено во: Свет, Корона Вирус 09 Јули, 2020
Од Светската здравствена организација алармираат дека коронавирусот брзо се шири и е надвор од контрола.
Директорот на СЗО, Тедрос Гребрејсус изјави дека од повеќе од 11,8 милиони случаи во светот, колку што се пријавени во таа организација, половина се потврдени во изминатите шест недели.
Според него, пандемијата укажала на нееднаквости на глобално ниво и во одделни земји како во медицинскиот систем така и во поширокото општество, пренесува „Гардијан“.
„Обично се вели дека заразните болести не знаат за граници. Тие не се грижат за политичките разлики, ниту за оние меѓу здравјето и економијата, животот и опстанокот. Пандемијата на Ковид-19, дефинитивно, ги избриша сите нив“, изјави Гребрејсус.
САД, Бразил, Индија, Русија и Перу се земји со најмногу заболени во светот.Зад нив се Чиле, Шпанија, Британија и Мексико.
Што се однесува до нашата земја, за 24 часа имаме нови 168 заразени и 3 починати.