Што го испровоцирало бомбашот од Њујорк?
Објавено во: Свет 12 Декември, 2017
Бомбаш со потекло од Бангладеш открил дека нападот во Њујорк го планирал да го изведе како одмазда за американските напади на територијата на „Исламската држава“.
Полицијата соопшти дека главниот мотив на бомбашот од Бангладеш била одмаздата, а локацијата ја избрал поради бројните Божиќни плакати кои што се наоѓале на станицата, пренесува „Би Би Си“.
27-годишниот Акајед Улах, имигрант од Бангладеш, вчера делумно детонираше импровизирана експлозивна направа на автобускиот терминал „Порт Ауторити“ на Менхетн, во близина на популарниот „Тајмс Сквер“. Во нападот се повредени четири лица, меѓу кои и напаѓачот кој помина само со повреди поради неуспешната експлозија.