Добивај вести на Viber
Неколку илјади луѓе вчера протестираа во центарот на Мадрид против мерките за штедење, отпуштањата во здравството и приватизацијата на јавните услуги.
Многу од демонстрантите, носеа пароли „НE за кратењата, не за приватизација!". Незадоволството на државните службеници беше предизвикано од приватизацијата на комуналните служби и кратењето на буџетските трошоци за здравство. Буџетите на министерствата за следната година се намалени со 8,9 %, а платите во јавниот сектор остануваат замрзнати веќе трета година по ред.
Критичарите на владата се незадоволни бидејќи се обезбедуваат милијарди евра за спас на банките, а се кратат средства за училиштата и болниците.