ФОТО: Штрајкот не го спречи Бектеши да ја испрати ќерката прваче во училиште

Добивај вести на Viber

И покрај предупредувачкиот штрајк на наставниците и професорите во училиштата, министерот за економија Крешник Бектеши ја испрати својата ќерка Хана како првачи на својот прв училишен ден во Кичево.

„На сите првачиња кои денеска за прв пат седнуваат во училишните клупи им посакувам успех во учењето и денови исполнети со среќа и задоволство. Воедно на сите ученици им го честитам почетокот на новата учебна година и успешни школски денови во сите наредни години. Нека е со среќа почетокот на новата учебна 2019/2020 година“, објави Бектеши.

На својот профил додаде дека Хана пред шест години се родила во Брисел и ја опиша како примерно дете кое носи хармонија и радост во семејството.

Министерот за образование и наука Арбер Адеми денеска изјави дека не знае во колку училишта се штрајкува, но оти во добар дел новата учебна година почна нормално. Повтори дека нема причина за штрајк и оти Владата работи на подобрување на статусот на наставниците.

Инаку на свечена церемонија утрово беа пречекани првачињата и учениците во училиштата на територија на Општина Карпош. Во ООУ “Петар Поп Арсов“ освен родителите и наставниците, топло добредојде им посака и градоначалникот на Општина Карпош, Стефан Богоев.