Швајцарската банка „UBS“ сака да отпушти 10 000 работници

Добивај вести на Viber

Во текот на преструктуирањето на швајцарската банка „UBS“ може да бидат отпуштени до 10 000 работници. Ова е резултат на планираните значајни промени во инвестициското банкарство, пишува „Financial Times“,  повикувајќи се на извори запознаени со преговорите. Новата стратегија се очекува да биде објавена следниот вторник, кога „UBS“ ќе ги претстави своите финансиски податоци за тромесечието. Уште во средината на октомври се појави оваа информација во медиумите, според која, со цел дополнително да се намалат трошоците во банката, може да бидат отпуштени до 2000 од вкупно 8200 работни места во делот на информатичката технологија. Од 2008 година, бројот на вработените во „UBS“ веќе се намали за околу 20 000, до нешто повеќе од 63 000 вработени. Компанијата е еден од најголемите губитници во банкарството, а како последица на финансиската криза. Во 2007 -ма и 2008-ма година, таа натрупа загуби од околу 28 милијарди швајцарски франци и за разлика од „Credit Suisse“ мораше да биде спасена од колапс од страна на државата. Ма банката тогаш и беше наложено својот капитал да го зголеми за четири пати. Проблемите дополнително се влошија и поради даночен спор со САД кој го наруши и онака кревкиот имиџ на банката.