Шведска сепак профитираше од тоа што не воведе карантин
Објавено во: Економија, Корона Вирус 03 Јули, 2020
Шведска не воведе карантин во екот на пандемијата и на тој начин економски профитираше.
Економијата има неочекувана корист со одбивањето да воведе карантин и многу други рестриктивни мерки.
Курсот на шведската круна во однос на еврото порасна од 11,2 круни за евро кон средината на март на 10,4 круни кон почетокот на јули.
Во Шведска немаше забрани за движење, работење во јавните институции и патување во странство. Тоа доведе до зголемување на бројот на заразени во споредба со останатите земји во регионот.
Аналитичарите сметаат дека падот на курсот на круната во март бил предизвикан поради грижата на инвеститорите за состојбата во шведското здравство како и иднината на економијата.
Но, тоа се промени и дури е забележано и зголемувања кај домашните инвестиции.
Инаку, Централната банка на Шведска ја зголеми вредноста на програмата за откуп на средства за поттикнување на инфлацијата и поддршка на економијата во време на корона кризата.