Силјановска Давкова по нејзина иницијатива одржа средба со Румен Радев во Баку
Објавено во: Македонија 13 Ноември, 2024 09:54
Претседателката Гордана Силјановска Давкова во Баку се сретна со претседателот на Бугарија, Румен Радев. Тој почетокот на разговорот и се заблагодари за поканата за средба и рече дека тоа е важно продолжение на „нашите многу отворени и пријателски односи“, пренесе БНТ. Иницијативата за средба на Конференцијата за климатски промени била на иницијатива на македонската претседателка.
Силјановска Давкова изразила жалење што не се слушна она што беше разговарано со шефот на бугарската држава на средбата во Софија во септември, кога настанот мина во сенка на тоа што не беше истакнато македонското знаме.
.Шефицата на државата го потсети Радев дека најважното во моментов е да комуницираат народите
- Најважното е народите да ни комуницираат и мојата убава вест, радосна вест е кога ја добив таа луксузна публикација од професорот Карталов за улогата на бугарската опера во културната дипломатија и кога видов дека цел еден дел е посветен на гостувањата на нашите опери сфатив дека ние ги претставуваме граѓаните, значи треба да ги следиме граѓаните. И таму им се радуваа на македонските оперски пејачи кои беа инспирирани и во Скопје на извонредните бугарски оперски пејачи. Ете тоа покажува дека треба да го следиме ритамот на граѓаните, а бугарските и македонските граѓани се разбирале и ќе се разбираат. Ако се разбираат тие, треба и ние да ја разбереме нивната потреба едни од други, рече Сиљановска на средбата со Радев.
И Радев посочи дека би бил среќен доколку луѓето од Бугарија и оние од Северна Македонија имаат поголема можност да комуницираат меѓу себе.
- Треба да се развива бизнисот меѓу двете држави, побрзо да падне границата, а таа ќе падне побрзо кога Северна Македонија час поскоро ќе стане членка на Европската Унија и сите го чекаме тоа. Знаете дека Бугарија ви помага за тој развој, нагласил Радев.
Можеби ќе ве интересира
Изгласани законските измени: Бесплатно ин-витро до шест пати
Македонија и Бугарија меѓусебно си бараат извинување: Каде е лавот, а каде е глушецот?
ГОРИ НА ДЕСЕТИНА ЛОКАЦИИ ВО МАКЕДОНИЈА - пожарникарите и понатаму се борат со пламените јазици, испратена помош од ЕУ
„ПРИГОВОРИТЕ НА ОДБРАНАТА ЗА МЕДИЦИНСКИТЕ ВЕШТАЧЕЊА СЕ БЕСПРЕДМЕТНИ“: Обвинителство за случајот „Онкологија“, еве го ставот на адвокатите
„ПОЖАРОТ ВО НИКОЛИЧ БЕШЕ ЕДЕН ОД НАЈЛОШИТЕ КОЈ СУМ ГО ВИДЕЛ, МОЖЕШЕ ДА БИДЕ ПЕКОЛ“: Михаилов со мали повреди при гасењето на пожарот во Дојран
ОДЛОЖЕНО СУДЕЊЕТО ЗА „ОНКОЛОГИЈА“: новото рочиште закажано за септември, адвокатот на Васев го оспорува судскиот вештак од Словенија
„Му пришол од зад грб додека редел роба на тезга и го нападнал со кујнски нож“: Обвинителство покрена исграга за обид за убиство (Обновено)
„ОХО продукција“ и режисерот Игор Стоименов ќе го снимаат филмот за Тоше Проески со копродуцент од странство
