СИМНЕТЕ АПЛИКАЦИЈА „МОЕ ЗДРАВЈЕ“, И ПОВТОРНО НИШТО НЕ Е ВО РЕД: Матичните лекари бараат начини да им помогнат на пациентите со верификувањето

Добивај вести на Viber

Откако во текот на вчерашниот ден се крена паника дека матичните лекари не можат да закажуваат термини на Мој термин, ниту пак да препишат терапија заради тоа што системот барал верификација со код на мобилниот уред на пациентот, се огласија голем број лекари од примарното здравство, кои велат дека и покрај тоа што имало апликација која им ја понудиле на пациентите а на која ќе можат самите да си го верификуваат телефонот, но и таа опција не функционирала како што треба.

Првенствено, лекарите апелираа пациентите да си ја симнат апликацијата и самите да си го верификуват мобилниот телефон, но денес со реакција дека повторно системот на функционира како што треба.

„Почитувани пациенти, ве молам сите кои сте во можност симнете си ја апликацијата Мое здравје. Најавете се според насоките. Со оваа апликација во секој момент ќе имате информации за сите реализирани прегледи кај матичен лекар, лекар специјалист, резултати од лабораториски анализи и слично.

На апликацијата имате можност да внесете и верифицирате мобилен телефон. Ве молам направете го тоа.

Секој треба да си биде одговорен за себе и за сопственото здравје! Секогаш кога ќе променете мобилен телефон податоците задолжително ажурирајте ги“, напиша вчера докторката од Кратово, Даниела Николовска.

Денес, сепак таа објави дека верификацијата што ја направиле вчера пациентите, не била регистрирана во системот.

„Откако во вчерашниот мејл од страна на Мој термин бевме известени дека на апликацијата Мое здравје пациентите сами можат да си го верификуваат мобилниот, неколку пациенти постапиле по нашите насоки и утрово се јавија да провериме дали е се во ред. Ииии ништо не е во ред. Повторно бара матичниот да направи верификација. Дупла работа. Единствено позитивно е што апликацијата Мое здравје е комплетно функционална и тие што си ја симнале се задоволни бидејќи си ја имаат комплетната медицинска историја на својот телефон“, се вели во нејзината реакција на социјалните мрежи.

Докторката Лидија Чолакова Дервишова пак, објави реакција на некој од пациентите кои се обиделе да ја симнат апликацијата Мое здравје, а која за жал не функционирала заради марката на мобилниот телефон што го користат.