Сите објекти што работат со храна мора да се пререгистрираат до Нова Година

Добивај вести на Viber

31 декември е крајнот рок до кога операторите со храна, согласно Законот за безбедност на храната, треба да се регистрираат во Агенцијата за храна и ветеринарство, обврската која важи и за операторите со храна кои претходно биле евидентирани во поранешната Дирекција за храна, стои во соопштението на Агенцијата. Претходно беше даден преоден рок од две години за регистрацијата на фирмите што работат со храна. Операторот со храна е должен до крајот на годинава да ја информира Агенцијата за секој објект во кој врши  која било  фаза од производство, преработка и дистрибуција на храна и согласно член 49 став 3 од Законот и да поднесе барање за регистрација. Тоа ќе значи дека тие го усогласиле своето работење со одредбите од Законот кој налага во промет да се стави храна која е подготвена или се продава исклучиво во објекти кои се одобрени и регистрирани од Агенцијата за храна и ветеринарство и каде инспекциските служби вршат редовни контроли во сите фази на производството, преработката и дистрибуцијата на храна. Казните за непочитување на обврската за регистрација на операторите се 500 евра во денарска противвредност за физичките лица и 2 илјади евра за компаниите. Казна од 5 илјади евра е предвидена за правните лица кои ставаат во промет храна која е подготвена во објекти кои не ги исполнуваат хигиенските услови и кои не се регистрирани како оператори со храна во Агенцијата