СКОК НА НЕВРАБОТЕНОСТА ВО АВСТРИЈА: Oва е највисоко ниво од 1946 година
Објавено во: Економија, Корона Вирус 01 Април, 2020
Невработеноста во Австрија е на највисоко ниво од 1946 година.
Бројот на регистрирани невработени лица се искачи на 12,2 проценти на крајот од март, бројка каква што немало од 1946 година. Во март, 52,5 проценти повеќе луѓе беа без работа во однос на истиот месец лани.
Регионот Тирол, во голема мера зависен од туризмот особено силно е погоден е од пандемијата. Тој забележа зголемување од невработеност од 199 проценти овој март во однос на истиот период во 2019 година. Сезоната за скијање на Алпите беше скратена минатиот месец кога случаите на корона вирус почнаа нагло да се зголемуваат.
Бројот на потврдени случаи на коронавирусот во земјата скокна на 10.192, според Министерството за здравство. Досега починале 146 луѓе.