Скопје и Берово најстудени - колку степени под нула се измерени?

Добивај вести на Viber

Утрово најстудено беше во главниот град на Македонија и во Берово. 

Измерени се -21 степени во Скопје Петровец, Берово, -20 Битола, -19 Тетово, -18 Куманово, Демир Капија, Штип, -17 Струмица, -16 Скопје Зајчев Рид, Прилеп, -15 Крива Паланка, -14 Виница, Дебар, Пожаране, -13 Тополчани, Ѓуриште, -12 Маврово, Гевгелија, -10 Лазарополе, -9 Крушево, -8 Претор, -7 Дојран, Охрид.

Снежната покрива е 1 сантиметар во Дојран, 2 Гевгелија, 8 Скопје, 10 Прилеп, Скопје Петровец, 12 Виница, 13 Штип, 14 Демир Капија, 15 Охрид, Претор, 16 Куманово, Струмица, 18 Крива Паланка, 19 Битола, 24 Крушево, 25 Тетово, 26 Ѓуриште, 27 Дебар, 29 Берово, 36 Тополчани, 41 Пожаране, 47 Лазарополе, 62 Маврово.

Времето денеска ќе биде сончево со мала до умерена облачност. Ќе дува слаб ветер од северозападен, а во западните делови умерен ветер од западен правец. Температурата ќе достигне од -4 до 5 степени. 

Времето утре ќе биде променливо облачно со сончеви периоди, во текот на денот потопло со умерен јужен ветер. Попладне облачноста од запад ќе се зголемува, а кон крајот на денот во западните делови на планините ќе има повремен снег, а во пониските места на запад дожд и снег. Утринската температура ќе биде од -14 до -5, а дневна температура од 2 до 7 степени.

Во сабота на повисоките места и на планините ќе има врнежи од снег, а на пониските места врнежи од дожд и снег. Повеќе врнежи се очекуваат во западните делови каде ќе дојде до зголемување на снежната покривка. Во недела ќе има преодно стабилизирање, а од понеделник ќе преовладува променливо облачно време со повремени врнежи од снег со променлив интензитет. Дневните температури ќе се одржуваат околу нулата.