Скопје најстудено, а Лазарополе со половина метар снег

Добивај вести на Viber

Мало затоплување на времето имаме денеска во Македонија. 

Во земјава најмногу снег има во Лазарополе, 49 сантиметри, 31 сантиметар има во Пожаране, 25 во Тополчани и во Битола, 24 во Ѓуриште, 23 во Тетово, 18 во Крушево. 

Според Управата за хидрометеоролошки работи (УХМР), најниска температура во 8 часот е измерена во Скопје, -12 степени, по што следат Струмица со -9, -8 во Скопје Петровец, -5 Тетово, -3  Пожаране, -2 Ѓуриште, Куманово, Лазарополе и Прилеп, -1 Берово и Крива Паланка, нула степени во Битола и Крушево,….

Претпладне во западните и северните делови од Македонија ќе има врнежи, кои на планините ќе бидат од снег, а на пониските места врнежите ќе бидат повремено од дожд. До крајот на денот врнежите ќе престанат. Ќе дува слаб до умерен претежно западен ветер. Температурата ќе се движи од 0 до 10 степени.

Во Скопје ќе биде променливо облачно со слаб до умерен претежно североисточен ветер. Преку денот ќе има услови за појава на слаб дожд, а на повисоките делови понекаде и слаб снег. Температурата ќе биде до 4 степени.

На планините снежната покривка ќе се зголеми за нови 10 до 20 сантиметри. На пониските места врнежите ќе бидат повремено од дожд. Утре ќе има преодно стабилизирање, а од понеделник ќе започне период на претежно облачно време со повремени врнежи од снег со променлив интензитет. Од средината на неделата на пониските места особено на југоисток врнежите ќе бидат од дожд.