СКОПЈЕ ПАК ВО ТОП 10: Сараево е најзагадениот град во светот и таму преземаат мерки

Добивај вести на Viber

Скопје попладнево е 8-от најзагаден град во светот, на листата на air visual, а босанскиот главен град Сараево е прв. 

Лахоре во Пакистан и Њу Делхи во Индија е втор, односно трет најзагаден град во светот. 

Дака во Бангладеш е на 4-то место, а на 5-то место е Калкута во Индија. 

Сараево утрово беше третиот најзагаден град во светот.

Загадувањето на воздухот во Сараево трае веќе неколку дена, а вчера кантоналната влада воведе мерки на „предупредување“ за жителите, особено затоа што се очекува лошата состојба да продолжи поради временските услови.

Мерките вклучуваат забрана за движење на возила со ЕУРО 2 или пониски стандарди во зоната А, како и забрана за сообраќај на товарни возила над 3,5 тони на главните градски улици, пренасочувајќи ги на алтернативни правци. Исто така, се забрануваат градежни работи на отворено, а сите објекти за производство на топлинска енергија со моќност над 50 kW мора да ја намалат температурата во загреаните простории за најмалку два степени.

Мерките предвидуваат и заштита на работниците на отворено, како и забрана за деца да престојуваат надвор за време на часовите по физичко образование и големите одмори. 

foto Wikipedia