Добивај вести на Viber
Шведскиот производител Волво испорача 20.254 камиони во текот на октомври годинава, што е намалување од осум отсто во споредба со истиот месец лани, покажуваат последните податоци на компанијата.
Годинава вкупниот пад изнесува три проценти, а како последица на намалената побарувачка, до крајот на годинава Волво ќе го намали своето производство во Европа. Во текот на октомври испораките најмногу се намалени во Северна Америка минус 18 проценти, како и во Азија минус 16 проценти. Падот на испораките во Европа е помал.
„Економската криза и несигурноста околу идната бизнис клима во Европа, има значаен негативен ефект врз побарувачката на камиони“, велат од Волво.