Словенечките банки со загуба од 41,5 милиони евра во првите четири месеци
Објавено во: Економија 19 Јуни, 2013
Во првите четири месеци од оваа година, словенечките банки бележат загуба од 41.5 милиони евра пред одданочување, покажа извештајот за работењето на банките изготвен од Словенечката централна банка.
Како што пишуваат тамошните медиуми, мал пад банките забележале во квалитетот на кредитното портфолио, па затоа банките морале да издвојат половина од приходот за резервации и отписи.
„Нефункционалните кредити, во април годинава беше 15,2 отсто, што претставува зголемување во споредба со март, кога беше 14,6 проценти“, пишуваат медиумите.
Билансната сума на банките се намали за 450 милиони евра, што резултира со намалени кредитни активности.
.