СЛОВЕНИЈА: Македонец убил жена по што се самоубил
Објавено во: Македонија, Балкан 25 Септември, 2024
Македонец убил жена во Словенија па се самоубил.
Словенската полиција излезе со повеќе информации за пукањето кое се случило вчера во општината Градец, каде 30 годишен маж пукал во 40-годишна жена во возило, а потоа самиот себеси си пресудил. По доаѓањето на местото на настанот, полициските службеници пронашле машко тело во автомобилот и тешко повредена жена која била во критична состојба и која починала подоцна во болница.
Според информациите на тамошните медиуми, сторителот и жртвата биле во врска подолго време, а жената неодамна го пријавила дека добивала закани и дека неовластено ја фотографирал, но полицијата не му издаде забрана за задржување, бидејќи тој во моментот бил во странство.