„СЛОВЕНКАТА КОС ЗНАЕ ЗНАЕ ШТО Е ПИНЏУР А НЕ АЈВАРОТ, ОТИ БАШ ЗАРАДИ НИВ МОРАВМЕ И НЕМУ ДА МУ ГО СМЕНИМЕ ИМЕТО ВО АЈВЕР“: Трајковска брутална за изјавата на Марта Кос

Добивај вести на Viber

Жанета Трајковска од граѓанскиот сектор, со реакција за изјавата на Марта Кос за македонскиот идентитет создаден од тавче гравче, полнети пиперки и пинџур.

„Верувам дека Марта Кос Словенката, никогаш не би ни го продавала тавче гравче и "пуњење паприке" како сериозен дел од националниот идентитет при нејзината прва посета во Македонија. Марта Кос Европејката да, оти некој од нејзините ПР советници помислил дека баш е слатко и симпа да се омекне дребниот народот во Македонија (упс!). Марта Кос Европејката не го знае контекстот за Македонија, нејзиното минато во Југославија, нејзините маки и мали и минорни ЕУ успеси. Словенката Кос пак, ја знае "Македонско девојче" и "Зајди, зајди", а и слушнала за Гоце, за Кирил, за прочитала за Ченто, Крушево, Климент и Охрид... Бирократот Кос, не смета дека треба да е внимателна во изјавите за манастирите без да ги спомне џамиите...оти така и рекле. Ама пак, Марта Кос Словенката знае што е пинџур и забележливо е дека баш Словенката Кос ни го пласираше пинџурот како идентитетски отпечаток, а не ајварот, оти знае таа дека баш заради нив, моравме едно време и нему да му го смениме името во ајвер. Кој ја советувал, убаво ја наместил, додека нејзиниот словенечки идентитет малку задремал и го заборавил регионот од каде потекнува. Мистејк, биг мистејк, хјуџ што би рекла една позната филмска реплика“, напиша таа.