СЛУЧАЈ ВО ШТИП: Се излечил, па повторно се заразил со коронавирусот
Објавено во: Македонија, Корона Вирус 05 Август, 2020
Излекуван штипjанец по втор пат се заразил со коронавирусот.
Информацијата ја соопшти директорот на штипската клиничка болница Ален Ѓеорѓијев, кој кажа дека пациентот се наоѓа на болничко лекување.
На инфективното одделение во Штип во моментов се лекуваат 35 пациенти заболени од Ковид 19, а 11 се сомнителни случаи.
Најмногу пациенти има од Штип, но има и од Кочани, Виница, Пробиштип, Берово и од други места.
Во последните 24 часа се направени 1507 тестирања, а регистрирани се 88 нови случаи на ковид-19.
Денеска Институтот за јавно здравје регистрира 113 оздравени пациенти.