Сменето името на сајтот на претседателот Пендаровски
Објавено во: Македонија 14 Мај, 2019
ИТ-администраторите во моментов вршат промена на интернет страницата на кабинетот на новоизбраниот претседател на државата, Стево Пендаровски, а засега само е впишано новото уставно име „Република Северна Македонија“.
Веб-сајтот денеска е во изработка, додека вчера се уште стоеја старите податоци, иако Пендаровски беше инаугуриран на 12 мај во неделата. До денеска се уште стоеше старото име на државата и стариот претседател. По написите во медиумите, администраторите ги прават неопходните чекори за да го обноват сајтот.
Координативното тело што го формира Владата за спроведување на Преспанскиот договор им наложи на сите државни институции да го променат називот, но претходниот претседател Ѓорѓе Иванов одбиваше да го примени до крајот на својот мандат.