Сметката на 1ТВ повторно е блокирана

Добивај вести на Viber

Управата за јавни приходи ја блокирала сметката на 1ТВ, дознава Фактор.

Според наши информации станува збор за нов долг кој телевизијата го има кон УЈП. 

Неформален сопственик на 1ТВ е Бојан Јовановски кој моментно е првоосомничен во случајот на Јавното обвинителство „Рекет“ и е во притворското одделение во Шутка. Инаку официјално сопственик на оваа телевизија е БМЈ медиа, фирмата која е на неговиот татко.

Управата за јавни приходи и кон крајот на јуни, односно минатиот месец еднаш ја блокираше сметката на телевизијата, за што имаше и официјална потврда. Но откако информацијата ја објави Фактор, долгот беше платен па блокадата беше тргната. Тогаш Јовановски, познат како Боки 13 тврдеше дека во јавноста се шират шпекулации и тенденциозни написи. 

„По однос на причините врз чиј што основ сметката е блокирана, ве известуваме дека согласно Законот за даночна постапка, Управата за јавни приходи е обврзана сите документи, информации, податоци или други факти до коишто дошла во даночна, прекршочна или судска постапка, да ги чува како даночна тајна“, информираше могаш УЈП.