Со европски пари се гради водовод во Зајас
Објавено во: Македонија 09 Ноември, 2012
Со 317 илјади евра од Европската банка за обнова и развој, Општина Зајас го продолжува регионалниот проект за водоснабдување.
Прво беше направен регионаланиот водовод од изворот кај местото „Девети километар“ , за кој беа одобрени 200 илјади евра од Министерството за животна средина, објект кој има огромно значење за општината Зајас. Со новите средства се планира водата да стигне до главниот резевоар кој ќе биде над селото Колари. „Се надевам ќе оствариме еден сон на граѓаните на нашата општина и проблемот со водоснабдувањето ќе се реши еднаш засекогаш. Се надевам и дека во идниот буџет на РМ ќе заземе место секундарната мрежа на оние населени места кои ја немаат се уште изградено, истакна градоначалникот на општината Мусли Муслиу.Со овој проект опфатени ќе бидат населените места Колари, Горно и Долно Строгомишта, Зајас, Челикај, како и селото Колибари.