Со израелски лек кој се вдишува излекувани заразени со коронавирусот

Добивај вести на Viber

Со нов израелски лек се излекувани 30 луѓе заразени со коронавирусот. 

Лекот се „бори“ против цитокинската бура, потенцијално претеран имун одговор на заразата со коронавирусот за која се верува дека е одговорна за повеќето смртни случаи.  Првата фаза од испитувањето за новиот лек за коронавирус успешно е завршена во Медицинскиот центар Ихилов во Тел Авив и се покажало дека тој придонел до брзо закрепнување на повеќе пациенти заболени со ковид-19, јавуваат израелските медиуми. Од болницата објавиле дека тоа е „огромен напредок“ бидејќи со „EXO-CD24“ супстанцата се лекувани 30 пациенти чија состојба била умерена до тешка и сите се излекувале, а 29 од нив во рок од три до пет дена. 

„Лекот се вдишува еднаш дневно до пет минути во рок од пет дена и е насочен на „центарот на бурата“, белите дробови“, изјавил професорот Надир Арбер.

Израел покажа дека силната, брза програма за вакцинација против коронавирус може да има брзо и моќно влијание во скротување на вирусот, покажувајќи му на светот веродостоен излез од пандемијата, објави „ Њујорк тајмс“.

Случаите на Ковид-19 и хоспитализациите значително опаднале кај луѓето кои биле вакцинирани за само неколку недели, покажале новите студии во Израел. И раните податоци сугерираат дека вакцините работат во практика скоро исто како и во клиничките испитувања.

Во Израел над 5.000 луѓе починаа од коронавирусот. 

foto freepik