Со кредит од Светска Банка, Виница ќе гради канализација
Објавено во: Македонија 26 Октомври, 2012
Градоначалникот на Општина Виница, Емил Дончев информираше дека кредитот ќе чини 43 милиони денари, со поволна и варијабилна каматна стапка од 1,5 до 3 проценти и ќе биде наменет за изградба на атмосферска канализација,улици во индустриската зона, како и за набавка на возила за собирање смет.
Според Градоначалникот, овие проекти општината не може да ги реализира со сопствени средства, а кредитот за кој гарантира Министерството за финансии нема да има никакви последици врз општинскиот буџет.