СО МЕСЕЦИ СЕ ПАЛАТ ВОЗИЛА НА ВРАБОТЕНИ ВО ИДРИЗОВО: Вчера утро опожарено уште едно, вработените водат цел список за инцидентите
Објавено во: Македонија 17 Јули, 2023
Уште едно запалено возило на командир во Идризово. Вчера наутро во три часот сабајле, во селото Кадино, било запалено второ возило на командирот на смена Бобан Лазовски.
Нему, на 16 јуни 2022 година му беше запалено возило веќе едно возило, ова е второ.
Инаку, Фактор дојде до списокот кој меѓусебе го прават вработените на Идризово, за сите запалени возила на вработените во затворот. Како што истакна нашиот извор, покрај наведените опожарувања во списокот, има запалено уште едно возило и дуќан во Маџари.
Инцидентот го има и во билтенот на МВР.„На 16.07.2023 во 03.25 часот во СВР Скопје било пријавено дека во дворот на Б.Л.(48) од с.Кадино, општина Илинден, настанал пожар во неговото патничко моторно возило „фиат 500“ со скопски регистарски ознаки. Сопственикот сам го изгаснал пожарот, а повредени лица нема.“ се вели во билтенот.
Ф.Р.