СО НОВ СУПЕР БРЗ ВОЗ ОД БЕРЛИН ДО ПАРИЗ: Ќе се стигнува за осум часа, почетна цена за карта е 60 евра

Добивај вести на Viber

Новиот брз воз, кој ќе овозможи патување од Берлин до Париз за осум часа, ќе започне со работа во декември, соопштија денеска претставници на германскиот железнички оператор Дојче Бан.

Патувањето меѓу главните градови на Германија и Франција ќе биде нон-стоп, а возот ќе застанува само во Франкфурт, Стразбур и Карлсруе.

Со возот заеднички ќе управуваат Дојче бан и францускиот оператор SNCF.

- Ова е прва дневна директна врска меѓу главните градови на Германија и Франција, а воедно е и симбол на растечка Европа - изјави извршниот директор на Дојче бан, Мајкл Петерсон.

Со него се согласи и генералниот директор на SNCF Ален Кракович.

- Оваа нова врска е уште еден доказ за француско-германското пријателство и придонесува за заедничката цел на нашите две земји: поголема мобилност без јаглерод диоксид - изјави првиот човек на француската компанија, пренесува Дојче веле.

Возот ќе тргнува од Берлин во 11:54 часот, а во Париз ќе пристигнува секој ден во 19:55 часот.

Поаѓањето од Париз е планирано за 9:55 часот, а пристигнувањето во Берлин во 18:03 часот.

Почетната цена за билет за воз од втора класа ќе биде 60 евра.

Телеграф.рс