Со нови закони до подобра администрација

Добивај вести на Viber

Со нови закони ќе се подобрува работата на административците. Според министерот за информатичко општество и администрација  Иво Ивановски, Законот за вработените во јавниот сектор првпат на систематски начин ги регулира сите вработени во таа област.Истовремено се готви и Закон за административни службеници. „Новиот Закон за административни службеници има целосно променет пристап во однос на предметот на уредување. Со него се опфатени сите лица кои се вработени во јавната институција, а кои вршат работи од админстративен карактер. Тоа значи дека овој закон ги опфаќа сите вршители на административни работи,“ рече денеска министерот кој посочи дека овде влегуваат и вработени во државна институција и тие во јавни претпријатија. Новите закони , вели министерот, ќе доведат до поголема ефикасност, квалитет  и зголемена достапност до граѓаните. Сп нив, додаде тој, ќе се искорени толеранцијата кон корупцијата. Сепак, тој не откри колкав е бројот на административци во земјава. „Во однос на државните службеници, таа бројка е достапна на Министерството за информатичко општество и администрација. Извештајот за 2013 година ќе излезе во првиот квартал од 2014 година. За јавниот сектор ние веќе немаме ингеренции во поглем дел затоа што Уставниот суд ги укина тие дејности уште на почетокот на годината“, вели Ивановски. Предлог-текстовите се објавени на страницата на Единствениот национален електронски регистар на прописи ener.gov.mk и сега се чекаат забелешки.