Со поволни кредитни мерки на Владата до нови вработувања
Објавено во: Економија 06 Јули, 2015
Нови огласи за четири мерки за кредитирање за отворање нови работни места беа објавени денска од МТСП и АВРМ.
Тие ќе траат до крајот на месецот, а според информациите на надлежните и министерот Диме Спасов, се работи за повелен кредит. чие аплицирање ќе биде поделено на два дела.
За апликациите кои ќе пристигнат до 20 јули ќе биде одлучено до 20 агвуст , додека за сите пристигнати апликации после 20 јули барањњата ќе се разгледуваат по 10 август.
Се што ви е потребно е да имате бизнис идеја за отпочнување на сопствена компанија или доколку имате компанија да отворите нови работни места.
Сите заинтересирани невработени лица или сопственици на компании годинава ќе имаат можност да аплицираат за кредит од 3.000, 5.000 до 7.000 евра за самовработување или по 3.000 евра односно по 4.000 евра за отворање ново работно место што значи дека кредитите може да се движат од 5.000 евра, па се до 23.000 евра за младите лица до 29 години, но и за сите невработени кои имаат бизнис идеја.
Според министерот Спасов овие мерки давале резултат, и благодарение на истите досега се отворени над 4000 работни места.
Апликациите за вакви кредитни мерки може да најдете на веб страната на АВРМ.