Со професионален туристички водич Битола ќе лови туристи
Објавено во: Мои пари 11 Февруари, 2013
Професионален туристички водич за градот Битола е промовиран денеска од страна на градоначалникот Владимир Талески и Лела Крстевска претседателка на Стопанската комора за туризам на Република Македонија.
- Овој водич овозможува да ги презентираме нашите содржини на престижни места во светот. Овој водич воедно претставува дел од големата документација за нашиот град ставена во функција на туризмот. Како рамноправна членка на Европската Асоцијација на градови и региони со богато културно историско наследство, како град со вредни признанија од Лугано, Швајцарија и од Балканската асоцијација-БАХА, убедени сме дека со овој водич уште повеќе ја зголемуваме нашата туристичка понуда на оригинален начин, истакна Талески.
Претседателката на Стопанската комора за туризам Лела Крстевска истакна дека со издавањето на туристичкиот водич Битола покажува како треба да се промовира една туристичка дестинација, односно како еден туристички производ да биде во продажба.
- Овој водич е исклучително богат со содржини и куси информации за се што му е потребно на еден турист. За Битола не е битно да се поседува се што се има, туку е и битно да се продаде битолската понуда на што поголем број туристи. Мислам дека и другите градоначалници во државата треба да се охрабрат да бидат ентузијасти на ова поле, посочи Крстевска.
Издавач на туристичкиот водич е општина Битола, а уредник на изданието е Ирена Ружин. Публикацијата на 95 страници на англиски јазик е отпечатена во 3.000 примероци и ќе се дистрибуира бесплатно, беше истакнато на прес конференцијата во овој град.
Можеби ќе ве интересира
Доживеј ја трансформацијата на природата во есента на најдобар можен начин, во најубавото можно место во Македонија
ГРИН МАШИНС на БРАКО доби златен медал на Меѓународниот технички саем во Пловдив
„Градиме кариери, не стереотипи“ - приватниот сектор полека го прифаќа потенцијалот на жените Ромки
Свечено доделување на наградата „Пегаз“ за 2024 година и промоција на победничкиот роман „Ехото на акробатите“ од Владимир Јанковски
Вина „Монтеко“ – ризница од вкусови со уникатен печат
ПроКредит Банка и ЕБОР со нова кредитна линија во вредност од 4 мил евра за зелени инвестиции во домаќинствата
ДА ГО ОБОИМЕ СВЕТОТ ВО БОЈАТА НА ВРАНЕЦ: По шести пат се одбележува Светскиот ден на вранецот
Серијата Galaxy S24 се проширува со S24 FE: Врвно искуство кое ги прави сите функции на Galaxy AI достапни за повеќе корисници
Третата годишна конференција „Ingram & Vendors Networking #3“ ги постави темелите на најновите стандарди во ИТ индустријата
