СОБИРИ, МИТИНЗИ, ТРИБИНИ: ВМРО-ДПМНЕ во Струмица и Радовиш, СДСМ пред Влада

Добивај вести на Viber

Партиите и денеска ќе одржат собири, митинзи, трибини  со граѓаните ширум Македонија за да ги претстават програмите за изборите кои ќе се одржат на 11 декември. 

ВМРО-ДПМНЕ и Коалицијата „За подобра Македонија“ ќе имаат митинзи во Струмица во 20 часот и во Радовиш во 17.30 часот. 

Во 18 часот во Скопје, пред Владата на Република Македонија, централен митинг ќе одржи СДСМ и коалицијата „За живот во Македонија“.

Од коалицијата „ВМРО за Македонија“ денеска пред просториите на СЈО изјава за медиуми ќе даде Ден Дончев, носителот на кандидатската листа за ИЕ 1.

Коалицијата за промени и правда средби со граѓаните ќе има  во Кавадарци во ресторан „Бриони“, во 17 часот и во Неготино  во Центарот за култура „Ацо Ѓорчев“, во  19 часот. На овие собири ќе се обратат Павле Трајанов, лидерот на Демократскиот сојуз, Слободан Богоески, носител на ИЕ 4, Јове Кекеновски, носител на ИЕ 2, и кандидатите за пратеници Драгана Кипријановскa и Тодор Ношпал.

Во хотелот Холидеј ин во 11 часот, Демократската унија за интеграција организира конференција за економија на која ќе биде претставена дел од програмата за економски развој и еднаквост. Ќе се обратат Фатмир Бесими од секретаријатот за економија на ДУИ и носителите на листите на партијата. 

Демократската партија на Албанците во 16.30 часот ќе одржи средба со граѓаните во скопската општина Чаир, на паркингот пред Чаирчанка.

Митинзи коалицијата „Алијанса за Албанците“ ќе одржи во Центар Жупа  во 18 часот и во Дебар во 19 часот. 

Изборната кампања трае 20 дена и ќе заврши на 9 декември на полноќ.