Сојот кој се шири во Африка е откриен и во Европа
Објавено во: Свет, Корона Вирус 26 Ноември, 2021
Сојот на коронавирусот кој се шири во Африка, го има и во Европа. Oткриен е еден случај на сојот Ну во Белгија.
Станува збор за млада жена која се вратила од патување во Египет преку Турција. Симптомите се појавиле единаесет дена откако престојувала во Египет.
Пациентката не е вакцинарана, и вели дека немала никаков ризичен контакт освен со нејзините блиски дома. Ниеден друг член од нејзиното семејство нема симптоми, но сите ќе бидат тестирани.
„Случајот во Белгија со најновиот сој е и прв случај во Европа“, изјави премиерот на Белгија, Александер Де Кро.
Сојот Б.1.1.529 првично детектиран во Јужна Африка, и попознат под името Ну има многу брз капацитет на репродукција и е веќе присутен во повеќе земји. Дел од земјите експресно ги заострија мерките со цел да се спречи влез на овој сој во нивните земји. Тука спаѓаат Грција и Хрватска, но и други држави.