Спасовски: Средбата со Вартоломеј беше иницијатива на Владата
Објавено во: Македонија 14 Јануари, 2020 10:18
Техничкиот премиер Оливер Спасовски на денешната прес-конференција рече дека средбата со Вселенскиот Патријарх Вартоломеј во Истанбул била на иницијатива на Владата и дека комуникацијата со Цариградската Патријаршија ќе продолжи и понатаму.
- Оваа средба дојде како иницијатива од минатата година на Владата. Имаше за цел да воспостави динамична непосредна комуникација со Цариградската Патријаршија. Изразив надеж дека и оваа година патријархот ќе поттикнува дијалог да се изнаоѓаат решенија за проблемите кои постојат во православниот свет. Оваа наша заемна комуникација ќе продолжи и понатаму. во рамките на Вселенската патријарпија. Го поканив Вартоломеј да ја посети нашата држава што е чест за верниците и за МПЦ, одговори Спасовски на новинарско прашање.
Тој во придружба на претседателот на СДСМ, Зоран Заев и директорот на Комисијата за односи со верските заедници и религиозни групи, Даријан Сотировски, оствари средба со духовниот лидер на православните патријаршии во Цариград.
На средбата, која се оствари како резултат на поканата што Вселенскиот Патријарх ја упати до Заев додека беше премиер на Владата на нашата земја, Спасовски на поглаварот на Цариградската патријаршија му го честиташе празникот Христовото раѓање – Божик.
„Средбата во седиштето на Цариградската Патријаршија се одржа во пријатна атмосфера и во срдечниот разговор беше изразена надеж дека и оваа година Патријархот Вартоломеј, во духот на толеранцијата и разбирањето, ќе продолжи да поттикнува дијалог за изнаоѓање решенија за сите прашања со кои се соочува православниот свет и верниците“, гласеше вчерашното владино соопштение.
Можеби ќе ве интересира
ПЕТ ПАЦИЕНТИ ОД ПОВРЕДЕНИТЕ ВО ПУЛС СЕ ВРАЌААТ ВО ЗЕМЈАВА: Еве во каква состојба се
ДВЕ ЛИЦА НА ВОЗРАСТ ОД 28 И 48 ГОДИНИ ПРЕДИЗВИКАЛЕ ПОЖАР ВО ДЕПОНИЈАТА ВО ДЕМИР ХИСАР: Полицијата ги приведе
ОБВИНИТЕЛСТВОТО ЗА ОРГАНИЗИРАН КРИМИНАЛ СО ГОЛЕМА АКЦИЈА НИЗ ЦЕЛА ДРЖАВА - со лажни дијагнози се „цицале“ државни пари за туѓа нега и се делеле инвалидски пензии
МВР: Директор платил сместување за 72 лица, а дошле само 48 гости
Николоски по ОАЕ, оди во посета на Обединетото Кралство
ДВАЈЦА ВРАБОТЕНИ СО ПОЛНО РАБОТНО ВРЕМЕ, А ЌЕ МОРААТ И ДА СЕ РЕГИСТРИРААТ - усвоени измените на Законот за медиуми, еве какви услови ќе мора да исполнат порталите
ОГРАБЕН ДОМОТ НА БИТИЌИ: Му украле сеф со пари и злато, се сомнева дека кражбата е политичка порака
„ИНСПЕКТОРАТОТ НА КАРПОШ УДРИ ПО НЕЗАКОНСКОТО ГРАДЕЊЕ“: Јакимовски се пофали
„ПОСЕТАТА НА ВЛАДАТА ВО ОАЕ ЌЕ ИМАШЕ СМИСЛА АКО ЛИДЕРСКАТА СРЕДБА НЕ БЕШЕ ИНТЕРВЈУ ЗА РАБОТА НА ФИЛИПЧЕ“: Величковски си го кажа својот став
