Споменикот на Мајка Тереза, Субрата Рој ќе го гради на плоштад Македонија

Добивај вести на Viber

Договор со фирмата на милијардерот од Индија, Субрата Рој, за изградба на уште еден објект на Мајка Тереза во Скопје, ќе склучи министерката за култура Елизабета Канческа Милевска, пренесе "Алфа" Локацијата на новиот објект ќе биде на плоштадот „Македонија“.  А новата градба, според најавите нема да биде само споменик. -Министерството за култура, Договорот ... да го склучи со индиската компанија Сахара Индија (Sahara India) за изградба на објект кој ќе го одбележува животот и делото на Мајка Тереза во рок од 60 дена од денот на влегување во сила на оваа одлука. Во договорот ... да се утврди дека по изградбата на објектот истиот ќе се запише со право на сопственост на Република Македонија, се наведува во одлуката објавена во Службен весник. Висината на објектот треба да биде 32 метри, но во план се и соседни градби. Според општина Центар станува збор за планерски концепт, со кој нема да се затвори фасадниот изглед и нема да се наруши репрезентативноста на објектите во непосредна близина.