Средба на НАТО во Турција во фокус Русија и Украина

Добивај вести на Viber

Денеска во Анталија, Турција, почна дводневниот состанок на министрите за надворешни работи на земјите членки на НАТО и ќе биде во фокус на колективната одбрана и односите со Русија и Украина, објавија светски агенции.

На 13 и 14 мај ќе се одржат две средби на Северноатлантскиот совет, клучен политички орган на НАТО, и одделно ќе се одржи средба на Комисијата НАТО-Украина.

Пред настанот шефот на НАТО Јенс Столтенберг изјавил дека блокот ја „применува најсилната поддршка за нашата колективна одбрана од крајот на Студената војна“.

Тој истакнал дека средбата ќе се одржи во позадината на воените вежби на Алијансата, кои треба да ја потврдат колективната безбедност на НАТО е „силна и подготвена“.

Дискусиите за односите со Русија доаѓаат по посетата на германската канцеларка Ангела Меркел и државниот секретар на САД во Русија во последните неколку дена.

По вчерашните разговори меѓу Кери и рускиот претседател Владимир Путин во Сочи, помошникот на државниот врв на Русија, Јуриј Ушаков истакна дека посетата на дипломатот на САД е „прв знак за разбирање дека двете големи сили треба да се вратат во нормална соработка“.

Во меѓувреме Столтенберг изјавил пред средбите дека министрите за надворешни работи ќе видат Алијансата што може да направи повеќе во борбата против „Исламска држава“.