Српската Влада со пакет мерки за спас на сточарството
Објавено во: Агробизнис 05 Октомври, 2012
Српската Влада донесе одлука за зголемување на субвенциите во сточарството. Планот е на овој начин да им се помогне на сточарите и да се ублажат последиците од сушната година. Владината одлука предвидува двојно поголеми субвенции по грло добиток и зголемена субвенција за литар млеко. Така за матични грла добиток субвенцијата е зголемена на 25.000 динари по грло, за тов на јунци 10.000 динари, за тов на свињи 1.000 динари по грло, а субвенцијата за литар млеко наместо пет ќе биде седум динари.
- Државата на овој начин ќе ги ублажи последиците од сушата и ќе го поттикне сточарското производство, со оглед на тоа дека добиточниот фонд во Србија е драстично намален, а исто така намалено е и производството на млеко, од кое само 40 отсто е екстра класа, изјави српскиот министер за земјоделство, Горан Кнежевиќ.
Српскиот министер најави дека веќе на следната владина седница ќе биде усвоена и Уредбата со која се предвидува 500 килограми пченка за секое грло добиток во затворен систем. Државата веќе почнала со откупот на предвидените 200.000 тони пченка за стокови резерви.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
