29 Март, 2024
0.0262

ССК: Се оградуваме од владиниот сет мерки, баравме системска поддршка, а не делумна помош

Објавено во: Економија, Корона Вирус 31 Март, 2020

Добивај вести на Viber

Сојузот на стопански комори (ССК) се оградува од вториот сет владини мерки што ги соопшти денеска премиерот Оливер Спасовски. 

– Од наша страна се бараа системски мерки за сите микро, мали и средни претпријатија што се засегнати од кризата, без оглед на дејноста. Наместо тоа, со оваа делумна помош не се постигнува крајната цел, а тоа е да се сочува економијата и да се задржат работниците особено за оние правни лица кои се најмали и незаштитени и на кои овие потреси ќе им го уништат целиот труд да се самовработат и да си ги издржуваат семејствата, наведува ССК. 

Сојузот нагласува дека и на Економскиот совет предложил, но и писмено доставил конкретни мерки за претприемачите и микро, малите и средни претпријатија погодени од кризата.

– Владата да одобри поддршка од 100 отсто нето платата за следните три месеци, да ги покрие сите даноци и придонеси на платите за вработените за следните три месеци, правните лица кои се погодени од кризата да не плаќаат аконтација на данок на добивка во 2020 година, да се стави мораториум на сите казнени камати и камати на задоцнето плаќање на обврски за следните шест месеци, а вработените кои припаѓаат на групата лекари, трговци и сите кои сега се најоптоварени и под ризик, да им се исплати еднократен бонус, се предлозите на ССК, кој смета дека по изминувањето на кризата треба да се најде соодветно решение како средствата да се вратат во Буџетот согласно можностите на претпријатијата. 

За овие мерки да ги да дадат очекуваните резултати Сојузот, како што нагласува, сугерирал и критериуми. 

– Да не се дискриминира по дејност, секој кој е погоден од кризата потребно е да има еднаква можност да аплицира, доколку некој несовесно аплицирал средства, неправилности може да се бараат и истражуваат откако кризата ќе заврши, бидејќи до сега немаше употребливи мерки кои важат за сите правни лица, дел од нив одјавија вработени, не по своја желба или волја туку под притисок од страв за неликвидност и трупање долгови и обврски. Да се отстрани критериумот намален број работници, да не се бара обемна документација која институциите електронски можат да ја добават по службена должност. Со барање документи да се достават од УЈП, Централен регистар и други, правните и физичките лица се изложуваат во оваа криза на здравствен ризик од трчање по шалтери за издавање документи, но и на непотребни трошоци во време и финансии (да се има во предвид дека голем број од нив особено микро и малите фирми, претприемачите и занаетчии немаат електронско банкарство ниту токени), стои во соопштението од ССК. 

ССК дополнува и дека Владата објави два пакета економски мерки кои се недоволни и кои нема да ги постигнат очекуваните резултати. 

– Од таа причина се оградуваме од мерките кои ги донесе Владата и остануваме на нашите барања истакнати погоре. Ќе продолжиме да ги застапуваме оние на кои помош во моментов им е најмногу потребна и да предлагаме мерки за надминување на предизвиците, како и да бараме алтернативни начини на помош. Во меѓувреме, секое претпријатие се препорачува да си преземе индивидуално деловно планирање за спас и за опстојување, посочува ССК.

Со оглед дека спречувањето на ширењето на вирусот беше и останува врвен приоритет, Сојузот потенцира дека неговите членки ги почитуваат мерките за заштита, но и преземаат дополнителни активности, секој согласно своите можности за да се заштити здравјето на луѓето, но и за да се постапи општествено одговорно и да се помогне на они кои се најмпогодени од настаната криза. – Групациите и секторските комори при ССК организираат акции на прибирање средства со кои се обезбедуваат хигиенски препарати, заштитни маски и ракавици, кои се донираат на ранливите категории, Комората на сметковидители се стави на располагање на државните институции за про-боно помош особено за анализа на флуктуациите во економијата и изготвување на акциски план, Туристичко-угостителската комора обезбедува залихи со храна и оброци за лицата кои припаѓаат на ранливи категории, како и припадниците на органите на државната управа и медицинскиот персонал кои се изложени на најголем ризик а дел од хотелите ги отстапија своите капацитети за организирање на државен карантин, а подготвен е и Водич за приватен сектор за справување со КОВИД-19, наведуа Сојузот. 

Можеби ќе ве интересира

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

Од 1 април зголемена минимална плата во Грција

Од 1 април зголемена минимална плата во Грција

ДУИ со експанзија во угостителството

ДУИ со експанзија во угостителството

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

Во што „Стопанска банка Скопје“ вложи 40 милиони евра? Се спрема кредитна офанзива!

Во што „Стопанска банка Скопје“ вложи 40 милиони евра? Се спрема кредитна офанзива!

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

Фокус во Кина: Европските претпријатија гледаат на можностите за инвестирање во кинескиот Хубеи

Фокус во Кина: Европските претпријатија гледаат на можностите за инвестирање во кинескиот Хубеи

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење