„Стандард енд пурс“ го намали кредитниот рејтинг на Грција

Добивај вести на Viber

Синоќа рејтинг агенција „Стандард енд пурс“ го намали кредитниот рејтинг на Грција длабоко во т.н. територија „ѓубре“ (рејтинг на висок ризик ), повикувајќи се на влошените економски услови како резултат на долгите преговори меѓу земјата и нејзините кредитори.

Подолго време Грција останува во јалови преговори со кредиторите од ЕУ и ММФ во врска со потребните економски реформи и ризикува да ја загуби монетарната ликвидност во рамките на следните неколку недели, ако не успее да постигне договор кој ќе отклучи  нова итна финансиска помош.

„Стандард енд пурс“ го намали кредитниот рејтинг на Грција до "ССС +" од "Б-", истакнувајќи дека земјата се повеќе зависи од поволните бизнис, финансиски и економски услови, и да се позанимава со своите финансиски обврски.

Сепак рејтинг агенцијата очекува дека грчката влада се уште има можност да продолжи да ги исплаќа платите и пензиите во готово, иако фискалните приходи слабеат. Но, таа предупреди дека без длабоки економски реформи или дополнително олеснување, државниот долг и другите финансиски обврски на Грција ќе бидат нестабилни.

Според „Стандард енд пурс“ грчката влада ќе остане без готовина до 12 мај, ако не биде постигнат договор, бидејќи тогаш Грција треба да изврши последователно плаќање кон ММФ за 760 милиони евра. Во јуни и претстои големо плаќање и кон ЕЦБ во износ од цели 3,5 милијарди евра.

Вчера германскиот министер за финансии Волфганг Шојбле изјави дека нема изгледи за постигнување на договор со Атина за листата на економските реформи на претстојната на 24 април средба на министрите за финансии од еврозоната (на Еврогрупата) во главниот град на Латвија Рига.

Освен што го намали кредитниот рејтинг на Грција, „Стандард енд пурс“ го постави новиот рејтинг на земјата под „негативна перспектива“, што значи дека може да следи ново негово намалување во рамките на следните 12 месеци.

Минатиот месец рејтинг агенција „Фич“ го намали рејтингот на Грција до "CCC" од "B", додека рејтингот, определен од Агенцијата „Мудис“ за сега останува на ниво од "Caa1".

И трите агенции го зголемија слабиот кредитен рејтинг на Грција минатата година, бидејќи тогаш економијата на земјата покажуваше почетни знаци дека стапнува на нозете по шест последователни години на тешка рецесија.