Стартуваше сезоната – шверцерите на огревни дрва во акција

Добивај вести на Viber

Два случаи на превезување огревни дрва без потребната документација биле регистрирани од страна на тетовската полиција во изминатите два дена, информираат од СВР Тетово. Првиот случај, , бил забележан на 13 јуни изутрината кога на крстосниците од улиците „Тодор Ципоски Мерџан“ и „Гоце Делчев“ во Тетово од страна на полицијата бил запрен Голф со тетовски регистерски таблички во кој имало две засега непознати лица кои веднаш откако ги забележале полицајците го запреле возилото и избегале оставајќи го и возилото и исечените дрва. - Голфот со дрвата е предаден на понатамошна постапка на шумската полиција, а било утврдено дека регистерските таблички припаѓале на друго возило. Вториот случај се случи вчера во Долна Лешница при што во џип Чироки без регистарски таблички што го управувал Ќ.А.(25) од Горна Лешница биле пронајдени 2,5 метри кубни огревни дрва за кои тој немал никакви документи, рече Марјан Јосифовски портпарол на СВР Тетово. Од почетокот на годинава досега според полициските податоци има над 15 случаи во кои биле одземани огревно дрво за кое сторителите немале никакви документи. Во гостиварско најголем број од овие случаи се забележани во селата Симница, Лакавица и месноста Митрови Крсти додека во тетовско овие случаи се на подрачјата на Џепчиште, Мерово и подрачјето во надлежност на полициската станица во Групчин.