СТАТИСТИКА: Помалку патници во возовите, повеќе во авионите

Добивај вести на Viber

Опаднал бројот на патници кои се превезуваат со воз, а патувањето со авион е се попопуларно. 

Во четвртото тримесечје од 2016 година, во однос на истото тримесечје од 2015 година, во патниот патнички превоз, бројот на превезените патници е намален за 5.2%, во градско-приградскиот превоз за 8.4%, во железничкиот превоз за 54.0%, додека бројот на превезените патници во воздухопловниот превоз е зголемен за 9.4%.

Овие податоци се наведени во соопштение на Државниот завод за статистика. 

Во однос на третото тримесечје од 2016 година, бројот на превезените патници во градско-приградскиот превоз е зголемен за 28.3%, во патничкиот превоз е намален за 1.7%, во железничкиот превоз за 1.8%, додека во воздухопловниот превоз намалувањето изнесува 28.0%.

Во четвртото тримесечје од 2016 година, во споредба со четвртото тримесечје од 2015 година, количеството на превезената стока во товарниот патен превоз е зголемено за 9.1%, во железничкиот превоз е намалено за 2.1%, додека во воздухопловниот превоз намалувањето изнесува 7.8 %.

Во однос на третото тримесечје од 2016 година, количеството на превезената стока во товарниот патен превоз е намалено за 36.7%, во воздухопловниот превоз за 14.0%, додека во железничкиот превоз е зголемено за 5.6%.