Стефан Богоев: Граѓаните ќе се покајат што гласале за градоначалниците на ВМРО-ДПМНЕ и ќе победиме во 2024

Добивај вести на Viber

Партискиот функционер на СДСМ, Стефан Богоев, во емисијата „трилинг“ синоќа рече дека Христијан Мицкоски, лидерот на ВМРО-ДПМНЕ, е упорен со барање на предвремени парламентарни избори, бидејќи како што вели тој, знае дека до редовните во 2024 неговите градоначалници нема да сработат ништо.

- На ваков никаков перформанс на градоначалниците на ВМРО-ДПМНЕ јас сум убеден дека на наредните избори во 2024 СДСМ сигурно ќе победи. И затоа Мицкоски се плаши од редовни избори во 2024 и сака вонредни. Додека се уште градоначалниците од неговите редови го живеат таканаречениот „меден месец“. Во првите пет-шест месеци граѓаните ве оставаат како градоначалник да видите каде сте, што сте, ви ги толерира пропустите и неисполнетите ветувања. Вие велите „има време до крајот на мандатот“, но за две години од сега, веќе ќе имате поминат повеќе од половина мандат од градоначалниците на ВМРО-ДПМНЕ. Тогаш ќе се види неспосбноста и тогаш, за жал, граѓаните ќе се покајат за кого го дале својот глас на минатите избори, рече директорот на Центарот за истражување и анализа на СДСМ.

Поранешниот градоначалник на Карпош додаде дека за власта би било прифатливо да се оди на предвремени парламентарни избори, но дека во тој случај четири месеци нема да може да се носат одлуки за справување со кризата.