Стефан Богоев го објави анкетниот лист: Еве што поседува новиот директор на Царинската управа
Објавено во: Македонија 27 Јули, 2023
Потпретседателот на СДСМ, Стефан Богоев, кој од јуни стана в.д. директор на Царинската управа, го пријави својот анкетен лист во Државната комисија за спречување на корупција, каде што се пријавени само личниот и имотот на неговиот брачен другар.
Минатата година беше објавена информација дека мајката на поранешниот градоначалник на Карпош и пратеник во Собранието поседува атрактивна градежна парцела во близина на Беровското езеро на која е предвидено да се гради хотел. Се работело за две катастарски парцели со вкупна површина од 7.578 квадратни метри купени во 2021 за шест и пол евра по квадрат, според пласираните медиумски информации. Розита Богоева била една од основачите на „Гранд хотел ДОО Берово“, а самиот Стефан Богоев лани рече дека за да се изгради хотелот ќе биде потребно да се најде кредитор.
Новиот директор на „Царина“ во 2019, како што тогаш беше објавено, при вршење на корекции на анкетниот лист го избриша пријавениот имот на родителите со образложение дека ја променил адресата на личната карта и дека не живее повеќе со нив откако се оженил.
Во новиот анкетен лист Богоев пријавува заеднички стан од 64 метри квадратни во Скопје со проценета вредност од 4.674.000 денари, подигнат кредит во 2019 од 3.075.000 денари, како и едно BMW 320 x Drive кое го стекнал со наследство минатата година. На ново било купено во 2014, а сега би вредело 15.000 евра.
Во врска со овие информации побаравме објаснување од новиот директор на Царината, Богоев.
Тој вели дека возилото го наследил од неговиот починат татко, а истото се однесува и за земјиштето, кое неговата мајка го наследила од татко му.
„Возилото што го немав претходно, а сега е пријавено во анкетниот лист, е бидејќи во меѓувреме го добив возилото преку оставинска постапка од починат родител. Тоа возило било 10 години на татко ми, и откако тој почина тоа премина кај мене, што значи дека е стекнато преку наследство. А земјиште за хотел не сум ни имал, туку тоа земјиште го поседува мојата мајка, која исто така го стекна врз основа на наследство од мојот починат татко“, изјави Богоев за Фактор.
Старите анкетни листови на Богоев како градоначалник и пратник ги нема повеќе во ДКСК. Од она што било објавувано низ медиумите, било забележано дека на својот последен анкетен лист кој го пријавил како градоначалник прибележал имот свој личен, и имот на семејството, кој се состоел од три стана во Скопје, два во Охрид и една куќа во Скопје. фамилијарниот имот вклучува и земјоделско земјиште во Скопје во вредност од 1,9 милиони.
Во најстариот анкетен лист биле запишани и хартии од вредност од 64.500 евра како семеен имот.
А.К.
Можеби ќе ве интересира
„ОБИДОТ ДА СЕ РЕШАТ ДВЕТЕ КЛУЧНИ ПРАШАЊА ВО ЕДЕН МАНДАТ Е ТЕШКА ГРЕШКА“: слушнете го ставот на Бранко Азески во „Бизнис Муабети“
ЈАВЕН ОБВИНИТЕЛ ПРИБИРА И АНАЛИЗИРА ДОКАЗИ ЗА ПАЛЧО, НО ТИЕ НЕМА ДА СЕ СПОДЕЛАТ СО ЈАВНОСТА - првата ноќ во затворот тој ја поминал мирно
ГЕРМАНИЈА ДРАСТИЧНО ГО ЗГОЛЕМИ БРОЈОТ НА РАБОТНИ ВИЗИ ЗА МАКЕДОНЦИТЕ И ДРУГИТЕ БАЛКАНЦИ: Ова се професиите кои најдобро ќе се снајдат, платите одат и до 7.000 евра
ВМРО-ДПМНЕ и „Вреди“ ќе бараат гаранции за уставни измени?
СЕ ОБЕСИЛ ВО ПРИТВОРОТ КАДЕ ИМАЛО УШТЕ ЕДЕН ПРИТВОРЕНИК: Притвореникот кој си ги уби сестрата и внукот во кумановски Габреш си го одзема животот
„Отстапување од Договорот, сигурно ќе има сериозни последици во нашите односи“: Мицотакис повторно се огласи
ГО ИСКИНА ДОГОВОРОТ ОД ПРЕСПА: „Не постои ни северна, ни јужна Македонија, Македонија е една и е Грција“- грчкиот пратеник Велопулос гневен на тоа како се учи историјата во земјава
ТУКА СУМ, НЕ ОДАМ НИКАДЕ, ЦВРСТО СТОЈАМ НА ПАТОТ НА СОЦИЈАЛДЕМОКРАТИЈАТА! Битиќи замоли да не се шпекулира дека заминува во ВРЕДИ
ЖИВОТ ЗНАЧИ, АМА ЈА РАСФРЛАМЕ КАКО ЃУБРЕ – во дел од регионите во земјата загубите на вода надминуваат 70 отсто
