Стојко Стојков: Бугарија се надева да ја уцени Македонија да направи фатални и непоправливи отстапки
Објавено во: Македонија 13 Октомври, 2020 08:32
Откако Софија притиска со можна блоклада на преговорите на Македонија, Стојко Стојков, копретседател на партијата на Македониците во Бугарија, ОМО Илинден - Пирин вели дека источниот сосед сака да ја уцени Македонија.
Според него, македонската Владa не треба да попушта.
„Мислам дека Бугарија се надева да ја уцени и изнуди Македонија да направи фатални и непоправливи отстапки преку заканата со блокада. Проблемот за Бугарија е што таа не е Грција и Европа не гледа со добро око кон апсурдните во секоја една смисла, претензии на Софија. Тоа веќе беше јасно испорачано и внимателното подигање на прашањето за македонското малцинство во Бугарија е јасно предупредување кон Софија да се повлече. Тоа е ахилесовата петица на Бугарија. Сѐ што треба е македонската Влада да не попушти и тоа ќе се покаже на крај како празен блеф на Софија. За жал, го прави македонското малцинство заложник на геополитиката. Но, во секој случај поставувањето на прашањето за нас е позитивно“, вели Стојков.
Колку Македонци живеат во Бугарија, Стојков вели дека точната бројка никој не ја знае.
„Бројката никој не ја знае за жал - пописите се сериозно манипулирани и секој пат има кампања со закани. Последниот попис 2011 имаше 730.000 луѓе „без етничка определба" скоро сите од малцинствата. Последниот попис на кој можеше слободно да се изјасниш како Македонец беше 1956 и тогаш беа 187.000 Македонци“, додава Стојков.
Премиерот Зоран Заев посочи дека она што го понудила бугарската шефица на дипломатијата, Екатерина Захариева на средбата со македонскиот колега Бујар Османи во Софија не е ниту добрососедски, ниту братски, и рече дека треба да го подготват народот дека можеби нема да ги почнеме преговорите.
Вицепремиерот за европски прашања Никола Димитров изјави дека ако ЕУ дозволи македонскиот јазик да биде пречка, тогаш не заслужува да се вика европска. Додаде дека оние кои сакаат да го доживуваат македонскиот народ како пријателски, треба да прифатат дека сме Македонци кои зборуваат македонски јазик.
Брисел ги повикува бугарските власти и на спроведување на релевантните пресуди на Европскиот суд за човекови права, при што се наведени, меѓу другото, и пресудите што се однесуваат на неможноста на македонското непризнаено малцинство во Бугарија да регистрира свое здружение или политичка партија.
Сања Атанасовска* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
По Ковид пандемијата, македонското општество се соочува со „епидемија“ на семејно насилство
ЕВЕ КАКО ТЕЧЕ ИЗГРАДБАТА НА АВТОПАТОТ ТЕТОВО-ГОСТИВАР: Николовски сподели видео на социјалните мрежи
Охриѓанец по кого се трагало неколку дена е пронајден мртов
СПОРЕД СДСМ РАБОТАТА НЕ Е ЗАВРШЕНА - СПОРЕД ВМРО НЕМА ДОКАЗИ: случајот со фирмата поврзана со Томовски и денеска бранува
„МАКЕДОНИЈА НЕ СМЕЕ ДА СТАНЕ ПУНКТ НА ТУЃИ МИГРАНТСКИ ПОЛИТИКИ“: Арсовска сподели видео за темата која бранува деновиве
„Бројот е мој, таткото е мој, зетот и внукот се мои, ама немам врска со фирмата“: СДСМ и денеска бараат одговорност од Томовски
Проф. Јаковљевиќ: Македонските граѓани можат да не контактираат за вакцината за рак
Македонија денес го одбележува денот на Свети Климент Охридски
ДВЕ ЛИЦА ФАТЕНИ ГО ГОЛЕМА КОЛИЧИНА АЛАТ БЕЗ ДОКУМЕНТАЦИЈА: завршија во затвор, а робата им е одземена
