Стопанска банка со поддршка за македонскиот фудбал

Добивај вести на Viber

Стопанска банка ја продолжува својата поддршка на проектите од широк општествен интерес, за што е доказ и нејзиното последно залагање за развојот на спортот. Имено, преку поддршката на Фудбалската федерација на Македонија, Стопанска банка АД - Скопје само го потврдува своето мото На ваша страна, овојпат застанувајќи на страната на спортот, посебно фудбалот како најважната споредна работа во животот. „Вредностите на кои не учи фудбалот, како што се посветеност, соработка со останатите членови на тимот, взаемно почитување, позитивна енергија за фер натпревар, се вредности за кои се залага и Стопанска банка, институција која во својата скоро 70 годишна традиција, поддржувала и ќе поддржува голем број на проекти од овој карактер“, стои во соопштението од оваа банка. „Оваа соработка и меѓусебната подршка им ја подаруваме на сите наши граѓани и ве покануваме заедно на нашиот национален фудбалски тим и на сите наши спортски работници да им кажеме дека во животот и во спортот добро е кога имаш некој на твоја страна, па затоа ајде сите да бидеме на страната на фудбалот. Им посакуваме уште подобри фудбалски резултати, успешна игра и сите посакуваме, нашите фудбалери еден ден да заиграат на големо светско натпреварување“, изјави Глигор Бишев, Генерален Извршен Директор на Стопанска банка.