Добивај вести на Viber
Со совети од Меѓународната финансиска корпорација (ИФЦ) ќе се прави проектот за изградба, одржување и наплата на патарини на патот Скопје-Гостивар-Кичево, кој е дел од патниот Коридор 8 во Македонија. Договорот е потпишан со со Министерството за транспорт и врски со цел обезбедување консултантски услуги и изработка на студии и анализи.
ИФЦ ќе има обврска да предложи модел за имплементација на проектот за концесија на патниот правец Скопје-Гостивар–Кичево и да биде трансакциски консултант на Владата се до склучување на договор со потенцијалниот најповолен понудувач. Исо така корпорацијата ќе биде задолжена да и асистира на Владата во структурирање на проектот и подготвување на транспарентен, фер и компетитивен процес за привлекување приватен партнер за изведување на проектот по модел на јавно-приватно партнерство.
Со договорот се предвидува во временска рамка од 14 месеци до две години, да бидат имплементирани двете фази на овој проект, кој треба да заврши со избор на најповолен понудувач.