СТУДИЈА: Kоронавирусoт може да опстојува во воздухот со часови и на површини со денови

Добивај вести на Viber

Kоронавирусoт кој „експлодираше“ во глобална пандемија може да остане во капките во воздухот со часови и на површини со денови. Ова е според новата студија која треба да понуди насоки за да им помогне на луѓето да избегнат заболување од респираторна болест наречена КОВИД -19.

Научниците од Националниот институт за алергија и заразни болести, дел од американскиот Национален институт за здравство, се обиделе да го пренесат вирусот од заразено лице на секојдневни површини во амбиент за домаќинство или болница, како на пример преку кашлање или допирање на предмети, објави Ројтерс. 

Тие користеле уред за да испуштаат аеросол што ги дуплирал микроскопските капки создадени при кашлица или кивање.

Тестовите покажуваат дека кога вирусот го носат капките ослободени кога некој кашла или кивање, тој останува одржлив или е во можност сè уште да зарази луѓе, во аеросоли најмалку три часа.

На пластика и не'рѓосувачки челик, одржлив вирус може да се открие по три дена. На картон, вирусот не беше одржлив после 24 часа. На бакар, потребни се 4 часа вирусот да стане неактивен. 

Истражувачкиот тим открил дека се потребни околу 66 минути за половина од честичките на вирусот да ја изгубат функцијата доколку се наоѓаат во капки од аеросол.

Тоа значи дека по еден час и шест минути, три четвртини од честичките на вирусот ќе бидат суштински деактивирани, но 25 отсто сепак ќе бидат одржливи.