Субрата Рој денеска на суд, неизвесен ден за Сахара Групација!?

Добивај вести на Viber

Врховниот суд денеска ќе го продолжи сослушувањето по предметот меѓу Сахара Груп и Регулатор на пазарот за хартии од вредност Одборот на Индија СЕБИ. Станува збор за случајот во кој од две фирми „Сахара Индија Недвижнини“ и „Сахара домување инвестиции“ се бара рефундирање на 24.000 крори (4,4 милијарди евра) собрани од речиси 30 милиони инвеститори преку опционално целосно конвертибилни обврзници (OFCDs). Сметките на милијардерот се замрзнати бидејќи Врховниот суд во Индија пресуди дека Субрата Рој, преку неговите компании измамиле неколку милиони граѓани со становите што ги продавале. Поради ова  Врховниот суд ја задолжи компанијата да го  врати долгот од 3 милијарди евра со 15 проценти камата за измамени граѓани. Според судскиот налог компанијата на Субрата Рој требаше да ги врати парите во рок од три месеци, а на барање на компанијата дозволено било долгот да се врати на три рати. Сепак според пишувањата не медиумите во Индија, Сахара Груп ја платила само првата рата што е една само една петтина од долгот. Останатите две рати не се платени, поради што следуваше замрзнувањето на сметките. Фирмите на Субрата Рој се жалат на одлуката за рефундирање на парите, но регулаторот, освен замрзнување на сметките побара и одземање на пасошите на директорите на компаниите и најстроги казни. Рој е индиски милијардер, кој од неодамна најави големи инвестиции во Македонија. Едната се однесува на изградба на грандиозен хотелско туристички комплекс во Љубаниште, а втората за инвестиции во агрокомбинатот Џумајлија. Иако, Рој напомена, дека случајот во Индија нема да се одрази на инвестициите во Македонија, сепак, во земјава постои скепса околу најавите за инвестиции, и со нетрпение се очекува финалето на сускиот процес во Индија.