Судот ќе одлучува за продолжен притвор на осомничените за Крвавиот четврток
Објавено во: Македонија 27 Декември, 2017
Кривичниот совет при Основниот суд Скопје 1 најдоцна до утре треба да одлучи дали на дел од осомничените на кои на 28 декември им истекува првично изречената мерка на обезбедување притвор од 30 дена ќе има ја продолжи како што бара Јавното обвинителство на Република Македонија или пак ќе им дозволи да излезат на слобода.
Јавното обвинителство побарало продолжување на притворот за поголемиот дел од обвинетите, меѓу кои се водачите на движењето „За Заедничка Македонија“ Борис Дамовски, Владо Јовановски, Игор Дурловски и Богдан Илиевски, поранешниот министер за внатрешни и екс началник на БЈБ Митко Чавков, припадници на безбедносните служби и други осомничени лица.
30 дневниот притвор на осомничените пратеници Крсто Мукоски, Љубен Арнаудов, Сашо Василевски – кои добија притвор и Јохан Тарчуловски, Жаклина Пешевска и Љупчо Димовски за кои подоцна се одлучуваше поради процедурата за одземање на иминутетот им истекува на 5 јануари, кога исто така ќе се решава дали ќе има нов притвор, ослободување или замена за друг вид на мерка на претпазливост.