Светот е во „трка со времето“ со омикрон, вели Фон дер Лајен
Објавено во: Свет, Корона Вирус 29 Ноември, 2021
Омикрон „сее“ страв во светот.
„Светот е во „трка со времето“ со омикрон варијантата на коронавирус“, изјави претседателката на Европската комисија Урсула фон дер Лајен за време на посетата на Рига, Летонија.
Вели дека Европската унија многу сериозно ја сфаќа заканата од сојот, додавајќи дека на научниците и производителите ќе им бидат потребни две до три недели да добијат целосна слика за квалитетот на мутациите. Досега, 65,9 отсто од населението на Европската унија е целосно вакцинирано, според денешните податоци од Европскиот центар за превенција и контрола на болести. Фон дер Лајен очекува засилена имунизација во сите земји.