Светот ќе биде вакциниран кон крајот на 2024 година?
Објавено во: Свет, Интервјуа 28 Јули, 2021
Со сегашното темпо светот ќе биде вакциниран кон крајот на 2024 година.
Министерот за надворешни работи на Британија, Доминик Раб, предупреди дека со сегашното темпо на вакцинација, светот ќе се вакцинира против коронавирусот дури до 2024 година. Тој ги повика другите земји да и се придружат на Велика Британија во донирањето вакцини за сиромашните нации. Велика Британија почна со доставување на 100 милиони вакцини. Но, ова е само прва донација.
„Знаеме дека со сегашното темпо светот ќе се вакцинира дури во 2024 година. Сакаме овој датум да го поместиме до средината на следната година и тоа во голема мера би ја променило ситуацијата во погодените земји“, рече Раб.
Во светот смртноста од коронавирусот се зголеми за повеќе од 20 отсто.
Од 19 до 25 јули, СЗО примила податоци за просечно 540.000 нови заразени дневно, во споредба со 490.000 за претходната седмица. До 25 јули, во светот се регистрирани вкупно 193.657.729 случаи на коронавирус и 4.154.660 починати.
Делта сојот е потврден во 132 држави.