СВЕТСКА БАНКА: Македонија годинава ќе има најнизок економски раст во регионот
Објавено во: Економија 11 Април, 2024
Според Светска банка, Македонија ќе испорача најнизок економски раст од земјите во регионот. Земјава ќе има раст од 2.5 отсто. Идната година растот ќе биде 2.9 отсто.
Во сите други држави од Западен Балкан економијата годинава ќе порасне за над 3 отсто.
Од Светска банка велат дека во Македонија е проблематично зголемувањето на буџетскиот дефицит, го поздравуваат намалувањето на инфлацијата, но велат дека во главно цените на храната не бележат забележителен пад.
Прогнозираат дека инфлацијата ќе се задржи на 3 проценти, но порастот на платите и ниската продуктивност на работниците можат да ги зголемат цените. Според нивните истражувања секое второ домаќинство кај нас едвај преживува.
Бидејќи годинава е изборна, економистите од Светска банка не очекуваат целосна реализација на најавените реформи кои се важни за продолжување на евроинтеграциските процеси.