Светската економија и алуминиумот

Добивај вести на Viber

Со компанијата АЛКОА традиционално започнува сезоната на објави на квартални резултати на американските компании.  Компанијата е трет најголем производител на алуминиум во светот и има операции во вкупно 31 земја на планетата. Со оглед на тоа што нејзините производи се користат во огромен број на индустрии (градежништво, авионска индустрија, пијалоци итн) податоците кои ги презентира компанијата покажуваат многу за генералната ситуација на економијата во светот. Секој квартал АЛКОА доставува исклучително квалитетен сет на податоци за побарувачката на нејзините производи и на алуминиумот генерално. За жал проекциите за раст на побарувачката на алуминиум беа намалени, па така претходната проекција за раст на побарувачката од 10%, денеска е сведена на планиран раст од 6%. Ова, меѓу другото е една од причините поради што повеќе институции ги намалуваат проекциите за раст во светот. Сепак позитивното е што иако со намалено темпо, растот продолжува. Кина, останува да биде доминантна во побарувачката. Најголемата земја на светот по население планирано е да потроши скоро половина од светското производство. Во продолжение погледнете ги двата одлични слајда од АЛКОА за состојбата со побарувачката на алуминиум во светот: Р.Ф.